Ինչո՞ւ է կարևոր Facebook-ի մոնիտորինգը

Հայաստանում Facebook-ը շատ ավելին է, քան պարզապես սոցիալական ցանցը. այն լուրերի տարածման, հանրային բանավեճերի և քաղաքական դիսկուրսի էպիկենտրոնն է, որտեղ ճգնաժամերը հաճախ սկսվում են նախքան ավանդական մեդիա հասնելը:

Ճգնաժամերը սկսվում են այստեղ

Բրենդների կամ հանրային դեմքերի դեմ ուղղված սկանդալներն ու բացասական արշավները հաճախ բռնկվում են FB հանրային գրառումներում շատ ավելի վաղ, քան դրանք կարտատպվեն ավանդական առցանց մամուլում: Մոնիտորինգը թույլ է տալիս գործել կանխարգելիչ տարբերակով:

Հանրային կարծիքը կերտվում է խմբերում

Տասնյակ հազարավոր անդամներ ունեցող մասնագիտական և համայնքային բաց խմբերն այն վայրն են, որտեղ սպառողները կիսվում են իրենց օրգանիկ, իրական կարծիքներով: Այն, ինչ քննարկվում է այնտեղ այսօր, հաճախ վաղվա նորությունների վերնագիրն է։

Մեդիաները նույնպես այստեղ են

Յուրաքանչյուր հեղինակավոր լրատվամիջոց ունի ակտիվ Ֆեյսբուքյան էջ: Մշտադիտարկելով այս տիրույթը՝ Դուք որսում եք ոչ միայն պաշտոնական հոդվածը, այլև դրա վիրուսային տարածումը և լսարանի անմիջական ռեակցիաները:

Ի՞նչ է ներառում Facebook մոնիտորինգը

Հանրային էջեր

Մշտադիտարկեք լրատվամիջոցների, կազմակերպությունների, բրենդների և կարծիքի առաջնորդների (influencers) պաշտոնական էջերում արված գրառումներն իրական ժամանակում՝ ձեր բանալի բառերին համապատասխան:

Հանրային խմբեր

Բացահայտեք հանրային բաց խմբերում ծավալվող օրգանիկ քննարկումները, որտեղ սպառողներն ուղղակիորեն հիշատակում են Ձեր ապրանքանիշը կամ մրցակիցներին:

AI սենտիմենտ անալիզ յուրաքանչյուր գրառման համար

Համակարգի արհեստական բանականությունն ավտոմատ վերլուծում է հայալեզու գրառման համատեքստը՝ դասակարգելով այն որպես դրական, բացասական կամ չեզոք:

Ճգնաժամային աճի (Spike) օպերատիվ հայտնաբերում

Եթե Ֆեյսբուքում Ձեր բանալի բառերի հիշատակումների ծավալը կտրուկ և ոչ նորմալ աճ է գրանցում, գործիքն անհապաղ ծանուցում է ուղարկում Ձեզ էլփոստով և Telegram-ով՝ թույլ տալով կառավարել իրավիճակը:

Միասնական մոնիտորինգ այլ մեդիաների հետ

Facebook-ի արդյունքները չեն առանձնացվում. դրանք հարմարավետ կերպով հայտնվում են Ձեր ընդհանուր «Ցիտումներ» (Citations) բաժնում՝ առցանց մամուլի, Telegram-ի և YouTube-ի արդյունքների կողքին։

Համեմատություն մրցակիցների հետ

Գործարկեք մոնիտորինգ ոչ միայն Ձեր, այլև Ձեր անմիջական մրցակիցների համար: Համեմատական գրաֆիկների միջոցով պարզեք, թե ում բրենդն է ավելի շատ քննարկվում և ինչ տրամադրվածությամբ:

Հաճախ տրվող հարցեր

Արդյո՞ք մոնիտորինգն ընդգրկում է օգտատերերի մասնավոր պրոֆիլները կամ փակ խմբերը

Ոչ: Ելնելով անձնական տվյալների պաշտպանության միջազգային ստանդարտներից և էթիկայի նորմերից՝ Mediamonitoring.am-ը հավաքագրում և վերլուծում է բացառապես հանրային հասանելի (public) տեղեկատվություն: Համակարգը չի չունի հասանելիություն փակ խմբերին և չի ընթերցում ընկերների (friends only) համար արված մասնավոր գրառումները:

Որքա՞ն արագ են Ֆեյսբուքյան հիշատակումները հայտնվում իմ բաժնում

Գործընթացն իրականացվում է շուրջօրյա և գրեթե իրական ժամանակում: Հանրային գրառման հրապարակումից կարճ ժամանակ անց այն արդեն հասանելի է Ձեր օգտահաշվում՝ AI-ի կողմից ամբողջապես վերլուծված տեսքով։

Արդյո՞ք Ֆեյսբուքի մոնիտորինգը ներառված է հիմնական պլաններում, թե՞ պահանջում է հավելյալ վճար:

Հասկանալով հայաստանյան մեդիադաշտում Ֆեյսբուքի անկյունաքարային դերը՝ մենք այս գործիքը ներառել ենք մեր բոլոր բաժանորդագրային փաթեթներում (Ամբողջական մանրամասները տե՛ս «Գնացուցակ» բաժնում):