«Մեդիա պրոֆիլ» գործիքը տրամադրում է տվյալների վրա հիմնված 360-աստիճան թվային անձնագիր Մեր շտեմարանում ներառված ցանկացած լրատվամիջոցի համար: Բացահայտեք հրապարակումների ծավալն ու ժամային ռիթմը, խմբագրական թեմաները, կայքի ազդեցության իրական վարկանիշն ու վերջին նյութերը: Ճանաչեք մամուլին այնպիսին, ինչպիսին կա:
Լրատվամիջոցի պրոֆիլ
Գլխավոր խմբագրական թեմաներ
Դուք տեսնում եք տարբեր լրատվամիջոցների անուններ Ձեր հաշվետվություններում, բայց իրականում չգիտեք դրանց կշիռն ու աշխատաոճը: «Մեդիա պրոֆիլը» անծանոթ անունները վերածում է հասկանալի և վերլուծական տվյալների:
Ձեզ լուսաբանում է կայք, որի անունն առաջին անգա՞մ եք լսում: Արդյո՞ք այն ունի բարձր ազդեցություն, թե՞ նեղ, մարգինալացված աղբյուր է: «Մեդիա պրոֆիլը» վայրկենական ցույց է տալիս կայքի իրական դեմքը՝ զերծ պահելով սխալ մեդիա թիրախավորումից:
Նյութեր ուղարկելն այլևս գուշակություն չէ: Իմանալով տվյալ լրատվամիջոցի հրապարակումների ռիթմը, պիկ ժամերը և նախընտրած խմբագրական թեմաները՝ Դուք ուղարկում եք ճիշտ նյութը, ճիշտ ժամանակին և ճիշտ խմբագրությանը:
94/100 ազդեցության վարկանիշ ունեցող առաջատար լրատվամիջոցի մեկ որակյալ հոդվածն իր ծանրակշիռ լինելով գերազանցում է 12/100 վարկանիշ ունեցող տասնյակ կայքերի արտատպումներին: Գործիքն օգնում է չափել Ձեր PR արդյունքը որակական ցուցանիշներով՝ պարզապես քանակականի փոխարեն:
Անհրաժեշտ բոլոր տվյալները՝ հայկական լրատվամիջոցները հասկանալու համար:
Համալիր գործակից, որը ներկայացնում է լրատվամիջոցի իրական կշիռն ու լսարանի ընդգրկվածությունը հայկական մեդիադաշտում՝ հիմնված այլ աղբյուրների կողմից դրա ցիտման հաճախականության և ընդհանուր վստահելիության մակարդակի վրա:
Վիզուալ գրաֆիկ, որը հստակ ցույց է տալիս, թե երբ է լրատվամիջոցն ամենաակտիվը: Եթե կայքի ակտիվության պիկը երեքշաբթի առավոտյան 10:00-ն է, Դուք կիմանաք, թե երբ է նպատակահարմար ուղարկել Ձեր ռելիզը:
Արհեստական բանականությունը վերլուծում է լրատվամիջոցի հրապարակած յուրաքանչյուր հոդված և բացահայտում դրա հիմնական խմբագրական ուղղվածությունը՝ քաղաքականություն, տնտեսություն, մշակույթ, սպորտ, սփյուռք, տեխնոլոգիաներ: Իմացեք, թե իրականում ինչի մասին է գրում լրատվամիջոցը նախքան նրանց դիմելը:
Կայքի հրապարակած հոդվածների ընդհանուր քանակը: Սա օգնում է տարբերել ակտիվ, օրական տասնյակ նյութեր գեներացնող մեքենաներին ավելի հազվադեպ, բայց վերլուծական բովանդակություն տվող կայքերից:
Տվյալ կայքի ամենաթարմ նյութերի ցանկը, որտեղ մեկ քլիքով կարող եք կարդալ ամբողջական տեքստն ու տեսնել AI տոնայնությունը:
Եթե մուտք եք գործել պրոֆիլ «Մեդիադաշտ և AI տոնայնություն» գործիքից, Դուք կտեսնեք նաև, թե կոնկրետ այդ աղբյուրը պատմականորեն ինչպիսի վերաբերմունք ունի Ձեր բրենդի հանդեպ (դրական, չեզոք և բացասական) նյութերի տոկոսային բաշխումով:
«Մեդիա պրոֆիլը» անջատ տեղեկատու չէ. այն հասանելի են հարթակի յուրաքանչյուր կետից՝ տրամադրելով ակնթարթային կոնտեքստ ճիշտ այն պահին, երբ Դուք որոշում եք կայացնում:
Սեղմեք ցանկացած լրատվամիջոցի վրա ընդհանուր «Մեդիադաշտի» քարտեզում՝ դրա ամբողջական թվային անձնագիրը բացելու համար: Անցեք տոնայնության ընդհանուր վիճակագրությունից դեպի կոնկրետ աղբյուրի խորքային վերլուծություն՝ ընդամենը մեկ հպումով:
Երբ նորություն է հայտնվում, «Սկզբնաղբյուրը» ցույց է տալիս տարածման ժամանակագրությունը: Մեդիա պրոֆիլն օգնում է գնահատել այդ շղթայում ներգրավված յուրաքանչյուր լրատվամիջոցի իրական կշիռն ու ազդեցությունը՝ հասկանալու համար, թե արտատպողներից որի անդրադարձն էր առավել կարևորն ու վտանգավորը:
«Ցիտումներ» բաժնում յուրաքանչյուր հոդված ներկայացվում է իր աղբյուրով: Բացեք պրոֆիլն անմիջապես այնտեղից՝ հասկանալու համար տվյալ մեդիայի լսարանը, նախընտրած թեմաներն ու հրապարակումների ռիթմը՝ նախքան Ձեր պաշտոնական արձագանքը ձևակերպելը:
Տրենդների գործիքը ցույց է տալիս, թե որ կայքերն են ամենաշատը սնուցում տվյալ թեման: Անցեք դրանց պրոֆիլին՝ պարզելու համար. արդյո՞ք դա բարձր ազդեցություն ունեցող առաջատար մեդիա է, որը օրակարգ է թելադրում, թե՞ պարզապես ագրեգատոր, որը մեխանիկորեն հետևում է ամբոխին:
Ճանաչեք յուրաքանչյուր լրատվամիջոց նախքան կապ հաստատելը: Դադարեցրեք ռեսուրսների վատնումն անհամապատասխան կամ ցածր ազդեցության կայքերի վրա և կառուցեք թիրախային գործընկերություններ առաջատարների հետ:
Դասակարգեք Ձեզ լուսաբանող աղբյուրներն՝ ըստ նրանց իրական ազդեցության: Երբ Ձեզ քննադատում է 94/100 վարկանիշով կայքը, դա արագ արձագանք է պահանջում, մինչդեռ 12/100 վարկանիշով կայքի քննադատությունը կարող է անտեսվել արհեստական աղմուկ չբարձրացնելու համար:
Քարտեզագրեք հայկական մեդիա էկոհամակարգը: Հասկացեք, թե որ լրատվամիջոցներն են ագրեգատորներ, իսկ որոնք՝ իրական օրակարգ ձևավորողներ: Օգտագործեք մեր արխիվը՝ կայքի էվոլյուցիան վերլուծելու համար:
Mediamonitoring.am-ի կողմից մշտադիտարկվող ցանկացած հայալեզու լրատվամիջոց ունի իր ավտոմատ գեներացվող պրոֆիլը: Սա հայկական մեդիա աղբյուրների ամենահամապարփակ բազան է: Պրոֆիլների տվյալներն ավտոմատ թարմացվում են յուրաքանչյուր նոր հրապարակմանը զուգահեռ:
Սա (0–100) բարդ, բազմաբաղադրիչ ինդեքս է, որը հաշվի է առնում հրապարակումների հաճախականությունը, լսարանի ներգրավվածությունը, և որ ամենակարևորն է՝ այլ հեղինակավոր լրատվամիջոցների կողմից տվյալ կայքին հղում անելու և նյութերն արտատպելու հաճախականությունը: Դա կայքի իրական դիրքի ցուցիչն է հայկական մեդիա էկոհամակարգում:
Արհեստական բանականությունը խորապես վերլուծում է աղբյուրի կողմից հրապարակված հոդվածների ամբողջական տեքստերը: Այն նույնականացնում է հաճախ կրկնվող թեմատիկ կլաստերներն ու բառապաշարը՝ ձևավորելով կայքի իրական ուղղվածության պատկերը՝ անկախ նրանից, թե ինչպես է կայքն ինքն իրեն դիրքավորում:
Երկուսն էլ հնարավոր են: Դուք կարող եք որոնել ցանկացած լրատվամիջոցի անուն հիմնական որոնման դաշտում կամ անմիջապես սեղմել ցանկացած աղբյուրի վրա մյուս գործիքներում աշխատելիս (օրինակ՝ «Մեդիադաշտ և AI տոնայնություն», «Սկզբնաղբյուր», կամ «LIVE Մեդիա տրենդեր» բաժիններից):
Մեկ հպումով անցեք ընդհանուր մեդիա քարտեզից դեպի այն կոնկրետ աղբյուրի պրոֆիլը, որը Ձեր հանդեպ դրսևորում է խիստ դրական կամ բացասական վերաբերմունք:
Երբ պարզեք, թե ով է առաջինը տարածել տեղեկատվական արտահոսքը, բացեք դրա «Մեդիա պրոֆիլը»՝ հասկանալու, թե որքան վտանգավոր կարող է լինել այդ աղբյուրը:
Ցանկացած հոդված կարդալիս սեղմեք լրատվամիջոցի անվան վրա՝ դրա լիարժեք վերլուծական անձնագիրը անմիջապես տեսնելու համար:
7-օրյա անվճար փորձաշրջան: Առանց քարտ կցելու ու պարտավորությունների: Լիարժեք հասանելիություն Մեդիա պրոֆիլներին և բոլոր գործիքներին:
